الوصفة عندها مفعول ثلاتي كترطب كتمنع تساقط الشعر اوكتخلي فيه ريحة كتحمق طول الاسبوع.هي كتقام شوي غالية ولكن كتبقى عندك العمر كله.
مقادير الاعشاب
10دراهم القرنفل
10دراهم اهرهار
10دراهم عشبة السنبل
10دراهم تارة
10دراهم لحية الشيخ
5دراهم عنبر
4 ند قويلبات
مربع تاع المسك المعسل
مربع تاع المسك العادي
ملعقتان كبيرتان من المسك غبرة
10 روايح الي كيكونو في قريعات صغيورين
درهم من المسكة الحرة
نصف لتر زيت لوسيور
كتاخدي هد العشاب كتدخليهم للفرن يسخنو شوي عاد كطحنيهم ثم تغربليهم في غربال رقيق
.احتفضي غير بالمنيل من الاعشاب ديريه في قرعة كبيرة
.في المهراز دقي مربع تاع المسك المعسل و مربع تاع المسك العادي ثم تضيفيهم الى الاعشاب الي درتيها في القرعة.ثم تدقي 4 الند قويلبات كدلك في المهراز او تضيفيه الى الخليط.او اضيفي كدلك ملعقتان كبيرتان من المسك غبرة.ثم تضيفي الى الخليط 10 روايح الي كيكونو في قريعات صغيورين عند العطارة.مثل ريحة رشا و ريحة الف وردة
المهم انت اختاري 10 قريعات صغيوين (قد صبعك الصغير او الشاهد في الحجم تقريبا) شمي ريحهم الا عجباتك شريهم ثم كبيهم على الخليط دون تحريكه.ثم تضيفي كدلك قليل من ريحة اسمها الغالية و هي كدلك صغيرة الحجم.ثم ريحة اخرى اسمها
.Maigoma
ثم اضيفي الى الخليط جميع الروائح الي عندك في الدار الي كتريحي بهم.تتركي هدا الخليط يخمر لمدة 8ايام دون فتحه او تحريكه.غدي يولي الخليط كله مبلل.في اليوم التاسع دوبي 20 او 30 درهم من المسكة الحرة مع نصف لتر او كثر من زيت لوسيور على نار جد هادئة حتى تدوب المسكة الحرة
..ثم تضيفيه الى الخليط
.ثم تغلقي القرعة او تخليها يومين الى 3 ايام او فتحيها و دهني بها شعرك.او غدي تشوفي.
ملاحضة.الي شعرها يتساقط تعمل هد الوصفة .وتستعمل كشمبوان شمبوان الحبة السوداء كيتباع ب13درهم الى 15درهم للقرعة او هي قرعة فيها لتر.ابدا واش يبقى يطيح ليها شعرعها.المهم هد الخليط كيبقى عندك العمر كله.حيت كتدهني بالزيت او لمبقاش الزيت كتظيفي فقط زيت لوسيور الى الخليط او كتخليه يومين حتى يطلقو فيه لعشوب .كيولي لون الزيت اخضر او دهني عوتاني.مر مر كتاخدي شوي من عشوب او تدهني بيهم فروة الراس.غير قبصة.هده الوصفة مفيدة ايضا لازالة صداع الراس و السخانة
